• Otsailaren 25a arte, etxeko armairuetan botata dituzuen mozorro zaharrak, margoak, pelukak edo edozein gauza ekar dezakezue eta Goizalde edo Ziburun dauden kutxetan utzi. 25ean, bazkalostean, zozketa egingo dugu gauza horiekin. Helburua ongi pasatzea da , beraz, “oparitxoak” benetan gaiztoak eta dibertigarriak izan behar dute oso.
• Otsailaren 22a arte ere, zuen izena eman dezakezue auzo bazkarirako honako tabernetan: Goizalde, Pirata, Larrabetzu eta Ziburun. Bazkariak 8 euro baino ez du balio (pentsa parranda batean kubatetan xahutzen duzuen dirua neska-mutilok!), jasotako diru horren parte txiki bat auzoko jaietarako izango da (eta zinez behar dugu Udalak ematen digun diru laguntza kakarekin). Bazkarian koadrila edo talde bezala parte hartu nahi baduzue, jarri gurekin kontaktuan posta elektroniko honen bidez : “bilbozaharrekojaibatzordea@gmail.com” eta behar dituzuen azalpenak bidaliko dizkizuegu.

ZABALDU KASIMIRAREN MEZUA EUSKAL HERRIKO TXOKO GUZTIETARA!

gero eta gertuago ditugu auzoko aratusteak: Otsailak 25, mozorrotzeko eta auzoa apaintzeko gaia ere dagoeneko zabaldu dezakegu: “Erdi Aroa” (Sorginak, inkisizio eta eleiza, jauntxoak eta soldaduak, nekazariak, legendunak, txiroak, etb….).

Zenbait ekimen zehazteke daude baina eguneko egitaraua gutxi gora behera hau izango da:

• Umeentzako tailerrak edo jolasak.
• Umeentzako bazkari txanda kultur etxean.
• Helduentzako bazkaria (tabernak, talde edo kolektiboak, koadrilak, …)
• Bazkari osteko zozketa.
• Kalejira
• Sorpresak

]]> http://bilbozaharrekojaibatzordea.wordpress.com/2012/01/31/o25-aratusteak-auzoan-bilbo-zaharra-erdi-aroan/feed/ 0 bilbozaharrekojaibatzordea http://bilbozaharrekojaibatzordea.wordpress.com/2012/01/27/bilboko-auzoen-jai-batzordeak-aurrera/ http://bilbozaharrekojaibatzordea.wordpress.com/2012/01/27/bilboko-auzoen-jai-batzordeak-aurrera/#comments Fri, 27 Jan 2012 18:10:19 +0000 bilbozaharrekojaibatzordea http://bilbozaharrekojaibatzordea.wordpress.com/?p=211 ]]>

batzuk jakingo duzue dagoeneko, sagardotegira joateko data atzeratu egin da! Otsailak 11 ezabatu zuen buruetatik!! Data berria MARTXOAK 3an izango da (Zapatua).

Izena eman zenutenak baieztatu behar dugu egun horretan ahal duzuela, mesedez erantzun posta elektroniko bidez (bilbozaharrekojaibatzordea@gmail.com) zuen izena zerrendatik ez ezabatzeko, bere momentuan izena eman ez zenutenak orain duzue aukera ona izena emateko (Bilbo Zaharreko tabernatan). Animatu etortzen!!!

Ondo izan.

Irola Irratiko lagunek azken uneko sorpresa eman digute eta Santo Tomasak Bilbo Zaharrean gurekin ospatzera animatu dira!

18:00tatik aurrera kontzertu hauek ikusteko aukera izango duzue:

• TOMMY GUN. street punk Santurtzitik
• R.C.B. rockanrolla! Bilbo
• DIFUNTOS TELARAÑA auzoko punk taldea de toda la vida
• 28 ESCUPITAJOS de semen! irola irratiko “ol estars” (punk77ren alde iluna!)
• + Agian Bilboko Talderik txarrena…nortzuk izango ote?

Bilbo Zaharreko Jai Batzordean auzoko jaietaz aparte beste zenbait ekimen egiten ditugu urtean zehar (Auzoko ihauteriak, Neguko Jaia, San Juanak,…) eta aurten otu zaigu Santo Tomasetan zeozer desberdina edo alternatiboa eskeintzea auzoan, betiko guneetan  agobiatzen den jendeari, umeak dituztenei edota barazkijale edo beganoentzako gune alternatibo bat eskeini nahi diegu.

18:00tatik 22:00arte gutxi gora behera saltoki bat jarri nahi dugu musikarekin, porrusalda beroa eta sagardoa saltzen, saski begano baten zozketa, etb…

Animatu Santo Tomasetan eta etorri bisitan Bilbo Zaharrera, izan zaitez Jai Batzordearen laguntzaile sagardo eta porrusalda bero bat hartzen!

Aurten ere Neguko jaia arrakasta itzela izan da, urtez urte Euskararen aldeko egunak geroz eta eragile gehiago erakartzen ditu (auzoko jai batzordea beraien artean noski), eskertzekoa da ere auzoko jendeak duen jarrera ona parte hartu eta laguntzeko orduan. Uste dut egun gogoangarri hau urtez urte geroz  eta indar gehiago hartuko duela eta Euskarekin eta auzoarekin dugun hitzordu honek bere leku propioa izan behar duela auzoko egutegian.

Argazki guztiak nahi badituzue ikusi klikatu hemen

Igela Mela eta Markel bufoia.

Goizean umeak izan ziran protagonista, Igela Mela eta Markel bufoiaren eskutik.

Ondoren auzokideek umeentzako eskulan tailerra egin zuten, etxean topa ditzazkegun materialekin kariokak nola egin ikasi zuten.

Bazkaria

Bazkaria ekimenik jendetsuena izan zen zalantzarik gabe, giro eta koadrila desberdinetako jendea denak alkarrekin nahastuta, denera 80 pertsona inguru izango ginan bakaltzen egon ginenak (umeak kontatu gabe). Hasieran bazkaria Kultur Etxean egin behar bagenuen ere, ezin izan genion muzin egin eguzkiak eman zigun laguntzari (Neguko Jaia beharrean udako jaia ematen zuen!).

Bertsolariak gure kontura barrez?

Bazkariaren ondoren ardoak kaltetutako biktimak erretiratu egin ziren (koldarrak!) eta bertso poteoa giro familiarrean egin genuen, horrek aukera eman zien Ajuria eta bere konpintxe bertsolariei gure kontura barre egiteko (Zorionak Aju!).

• 12:00: Pailazoak – Umeentzako jolas tailerra -Igela Mela eta Markel bufoia.
• 13:30: TRIKITILARIAK Amets tabernatik hasita.
• 14:30: BAZKARIA Bilbo Zaharreko Kultur Etxean (6 euro): Bazkarira joan nahi baduzu izena eman Bilbo Zaharreko tabernatan.
• 17:30: BERTSO POTEOA, Ibon Ajuria, Jone Uria eta Gorka Ostolazarekin.
• 21:00: MUSIKA + FESTA Bilbo Zaharreko plazan.

Beraz Bilbon gelditu behar izan duzuenok (dugunok) zubirik gabe hemen duzue aukera paregabea giro onean batzeko eta egun polita pasatzeko.

Antolatzaileak:

• GITE-IPES
• Palanka Euskara Taldea
• Bilbo Zaharreko Jai Batzordea
• Goizalde Kultur Elkartea.
• Bilbo Zaharreko tabernak